ភ្នំពេញ៖ រដ្ឋលេខាធិការក្រសួងសង្គមកិច្ច និងជាអគ្គលេខាធិការក្រុមប្រឹក្សាសកម្មភាពជនពិការ លោក ឯម ច័ន្ទមករា បានគោរពជូនពរជូនចំពោះនាយករដ្ឋមន្ត្រី សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឱកាសនៃពិធីបុណ្យចូលឆ្នាំថ្មី ប្រពៃណីជាតិខ្មែរនេះ។

លោក ឯម ច័ន្ទមករា និងភរិយា ព្រមទាំងមន្ត្រីបុគ្គលិកក្រោមឱវាទ បានបួងសួងដល់គុណបុណ្យព្រះរតនត្រ័យកែវទាំង៣ វត្ថុស័ក្កិសិទ្ធិទាំងឡាយក្នុងលោក និងទេវតាឆ្នាំថ្មី សូមតាមជួយប្រោះព្រំសព្វសាធុការជ័យជូនចំពោះសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ព្រមទាំងបុត្រា បុត្រី និងចៅប្រុសស្រីទាំងអស់ សូមជួនតែសេចក្ដីសុខ សុភមង្គល និងប្រកបទៅដោយ ពុទ្ធពរទាំង ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

គួរឱ្យដឹងផងដែរថា ទេវតាឆ្មាំថ្មី ព្រះនាមកិមិរាទេវី ជាបុត្រីទី៦ នៃកបិលមហាព្រហ្មនឹងក្លាយជាមគ្គនាយិកាដែលកាន់តំណែងឆ្នាំនេះនឹងចុះមកនៅវេលាម៉ោង៤ រសៀល ជាថ្ងៃចូលឆ្នាំថោះ បច្ចស័ក ត្រូវនឹងថ្ងៃសុក្រ ទី១៤ ខែមេសា ឆ្នាំ២០២៣នេះ៕